13.12.2024
O‘zbekiston Respublikasi Prezidenti Shavkat Mirziyoyev Turkiyaning "Aksa Enerji" kompaniyasi raisi Jamil Kazanchini qabul qildi.
Ushbu kompaniya bilan o‘zaro manfaatli hamkorlikni rivojlantirish masalalari, uning O‘zbekiston energetika tarmog‘ini kengaytirish va texnologik modernizatsiya qilish loyihalarida ishtirok etish rejalari ko‘rib chiqildi.
Davlatimiz rahbari Turkiya kompaniyasi bilan hamkorlikda Toshkent va Buxoro viloyatlarida umumiy quvvati 740 megavatt bo‘lgan zamonaviy elektr stansiyalarini qurish loyihalari muvaffaqiyatli amalga oshirilganini mamnuniyat bilan qayd etdi. Bugun Qashqadaryo viloyatining Nishon tumanida quvvati 400 megavatt bo‘lgan yangi elektr stansiyasini ishga tushirish marosimi bo‘ldi.
Ikki tomonlama "yo‘l xaritasi"ga muvofiq "yashil" energetika sohasida, jumladan, gaz taqsimlash tizimlarini modernizatsiya qilish, biogaz stansiyalarini qurish, sanoat zonalarini energiya bilan barqaror ta’minlash va boshqa istiqbolli loyihalar muhokama qilindi.
Ma'lumotlardan foydalanilganda
www.president.uz ga havola ko‘rsatilishi shart
© 2025 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
