Shavkat Miromonovich Mirziyoyev davlat va boshqaruv organlaridagi ko‘p yillik samarali mehnati, yurtimiz ravnaqi, xalqimiz farovonligini yuksaltirish ishiga ulkan hissa qo‘shgani uchun “Mehnat shuhrati” va “Fidokorona xizmatlari uchun" ordenlari bilan taqdirlangan.
"Mehnat shuhrati" ordeni bilan O'zbekiston Respublikasi fuqarolari O'zbekistonda iqtisodiyot va madaniyat yuksalishiga, xalq farovonligi oshishiga, tinchlik va barqarorlik saqlanishiga xizmat qiladigan ulkan ishlari uchun mukofotlanadilar.
"Fidokorona xizmatlari uchun" ordeni bilan mamlakatning iqtisodiy va madaniy yuksalishiga, mudofaa qudratini kuchaytirish va milliy xavfsizligini ta'minlashga, jamiyatda tinchlik va barqarorlikni, millatlararo hamjihatlikni mustahkamlashga, xalq farovonligini oshirishga katta hissa qo'shgan, o'zining iste'dodi, bilim va tajribasini Vatanimiz ravnaqiga baxsh etib, fidoyilik namunasini ko'rsatib kelayotgan fuqarolar va harbiy xizmatchilar mukofotlanadi.
Oʼzbekiston Respublikasi Prezidenti Shavkat Mirziyoyev keng koʼlamli siyosiy-iqtisodiy islohotlarni amalga oshirgani, mintaqada yaxshi qoʼshnichilik muhitini yaratish va hamkorlikni rivojlantirishda yetakchi boʼlgani, xalqlar oʼrtasida madaniy-gumanitar aloqalarni mustahkamlashga katta hissa qoʼshgani uchun xorijiy davlatlar hamda xalqaro tashkilotlarning bir qator orden va faxriy unvonlari bilan mukofotlangan:
Qirgʼiz Respublikasi Prezidentining 2017-yil 22-noyabrdagi farmoniga muvofiq «Danaker» ordeni bilan
Qozogʼiston Respublikasi Prezidentining 2018-yil 14-martdagi farmoniga muvofiq «Doʼstiq» ordeni bilan
Shuningdek, O‘zbekiston Respublikasi Prezidenti Shavkat Mirziyoyev Nagoya universitetining Faxriy doktor unvoni va boshqa mukofotlar bilan taqdirlangan.
Ma'lumotlardan foydalanilganda
www.president.uz ga havola ko‘rsatilishi shart
© 2025 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
