25.12.2020
Prezident Shavkat Mirziyoyev bugun O‘zbekiston yoshlari forumida ishtirok etadi.
Mamlakatimiz tarixida ilk marta o‘tkazilayotgan ushbu yirik tadbirni tashkil etish tashabbusi davlatimiz rahbari tomonidan shu yil 20 noyabr kuni ilgari surilgan edi.
18-dekabr kuni Toshkent shahrida boshlangan forum tadbirlari yanada keng ko‘lam kasb etib, yurtimizning barcha shahar va tumanlarida bo‘lib o‘tdi. Yoshlarimiz vazir va hokimlar bilan ochiq muloqot qilish, hokimiyat va boshqaruv organlarining boshqa vakillari bilan uchrashish, yetakchi ekspert va jamoatchilik faollari bilan muhokamalarda ishtirok etish imkoniyatiga ega bo‘ldi.
Bugungi tadbir O‘zbekiston yoshlari forumining mantiqiy yakuni bo‘ladi.
Prezident forumda nutq so‘zlaydi va yoshlar bilan muloqot qiladi. Tadbirning o‘zida 3 ming 300 nafardan ziyod, shuningdek, hududlardagi studiyalarda 26 ming nafar yigit-qiz qatnashishi kutilmoqda.
Ma'lumotlardan foydalanilganda
www.president.uz ga havola ko‘rsatilishi shart
© 2025 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
