07.07.2026
Oʻzbekiston Respublikasi Prezidenti Shavkat Mirziyoyev Belarus Respublikasi Prezidenti Aleksandr Lukashenkoning taklifiga binoan 8-9-iyul kunlari rasmiy tashrif bilan ushbu mamlakatda boʻladi.
Tashrif dasturiga muvofiq, Minsk shahrida oliy darajadagi muzokaralar oʻtkazilishi koʻzda tutilgan.
Oʻzbekiston – Belarus koʻp qirrali sheriklik munosabatlarini yanada kengaytirish masalalari koʻrib chiqiladi.
Oʻzaro tovar ayirboshlash hajmini oshirish, qishloq xoʻjaligi, mashinasozlik, farmatsevtika, yengil sanoat, oziq-ovqat va iqtisodiyotning boshqa tarmoqlarida kooperatsiyani rivojlantirish masalalari diqqat markazida boʻladi.
Madaniy-gumanitar almashinuv dasturlarini kengaytirishga alohida eʼtibor qaratiladi.
Sammit yakunida ustuvor yoʻnalishlarga doir ikki tomonlama hujjatlarning salmoqli toʻplamini qabul qilish rejalashtirilgan.
Taʼkidlash joizki, tashrif arafasida Minsk shahrida ikki mamlakat hududlari delegatsiyalari va ishbilarmon doiralari ishtirokida uchinchi Hududlararo forum ham boʻlib oʻtadi.
Ma'lumotlardan foydalanilganda
www.president.uz ga havola ko‘rsatilishi shart
© 2026 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
