15.12.2023
O‘zbekiston Respublikasi Prezidenti Shavkat Mirziyoyev 15-dekabr kuni iqtisodiy rivojlanish, samarali boshqaruv va xalqaro hamkorlik masalalari bo‘yicha maslahatchi Suma Chakrabarti bilan uchrashuv o‘tkazdi.
Mamlakatimizdagi ijtimoiy-iqtisodiy islohotlar dasturining natijadorligini oshirish borasidagi chora-tadbirlarning borishi va kelgusi rejalar ko‘rib chiqildi.
Investitsiya va ishbilarmonlik muhitini takomillashtirish, xorijdagi yetakchi kompaniya va moliyaviy institutlarni jalb qilgan holda iqtisodiyotning turli tarmoqlarida yirik loyihalarni ilgari surish bo‘yicha olib borilayotgan ishlar samaradorligini oshirishga alohida e’tibor qaratildi.
O‘zbekistonning Jahon savdo tashkilotiga a’zo bo‘lishi jarayoni va mamlakatimizning xalqaro reytinglardagi o‘rnini yuksaltirish bilan bog‘liq masalalar muhokama qilindi.
Ma'lumotlardan foydalanilganda
www.president.uz ga havola ko‘rsatilishi shart
© 2025 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
