Germaniya Prezidentiga hamdardlik maktubi
17.06.2017
Germaniya Federativ Respublikasi
Federal Prezidenti
Frank-Valter Shtaynmayyer
Janobi Oliylariga
Janobi Oliylari!
Germaniya Federativ Respublikasining sobiq Federal kansleri Gelmut Kol vafoti to‘g‘risidagi xabar meni chuqur qayg‘uga soldi.
Janob Kol jahon miqyosidagi yirik siyosiy lider va GFRning mashhur davlat arbobi sifatida xotiramizda mangu qoladi. Jahon tarixidagi eng muhim siyosiy voqealar, jumladan, Germaniyaning birlashuvi va Yevropa Ittifoqining tashkil topishi bevosita uning nomi bilan bog‘liq.
Gelmut Kol, shuningdek, O‘zbekiston bilan Germaniya o‘rtasida uzoq muddatli sheriklik va do‘stlik aloqalari o‘rnatilishi va rivojlanishiga beqiyos hissa qo‘shgan.
Ta’ziyamni qabul qilishingizni va janob Kolning oila a’zolari va yaqinlariga, butun Germaniya xalqiga chuqur hamdardligimni yetkazishingizni so‘rayman.
Qayg‘u bilan,
Shavkat Mirziyoyev,
O‘zbekiston Respublikasi Prezidenti
O‘zbekiston Respublikasi Prezidenti
Ma'lumotlardan foydalanilganda
www.president.uz ga havola ko‘rsatilishi shart
© 2025 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Prezident
Voqealar
Administratsiya
Mediateka
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
Ishlab chiqilgan: