10.05.2019
Toshkent shahrining Chilonzor tumani Bog‘iston ko‘chasidagi uylar rejalashtirilgan loyihalar izchil amalga oshirilayotganiga yana bir misol. Prezident Shavkat Mirziyoyev 2018-yil 21-dekabr kuni bu yerga kelib, qurilish maketlari bilan tanishgan, zarur ko‘rsatmalar bergan edi. Oradan besh oy o‘tib, bu yerda ulkan va zamonaviy mavze paydo bo‘ldi.
9 qavatli 24 ta uy bunyod etilishi loyihalashtirilgan. Hozirda 10 ta uyda qurilish yakunlanib, ichki va tashqi pardozlash ishlari olib borilmoqda.
Davlatimiz rahbariga uylarning qurilish texnologiyasi, sifati haqida ma’lumot berildi.
Uylar innovatsion usullar asosida qurilgan bo‘lib, devorlari qo‘shimcha materiallar bilan qoplangan. Bu issiqlikni saqlash, energiyani tejash imkonini beradi. Isitish va sovitish tizimi har bir xonadonda mustaqil boshqariladi.
Prezidentimiz bu uylarning sifati, energiyani tejashi xalqimizga ma’qulligi, shu tajriba asosida mamlakatimizning boshqa hududlarida ham turar joylarni ko‘paytirish zarurligini ta’kidladi.
Ma'lumotlardan foydalanilganda
www.president.uz ga havola ko‘rsatilishi shart
© 2025 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
