08.10.2018
Oʻzbekiston Respublikasi Prezidenti Shavkat Mirziyoyev Fransiya Respublikasi Prezidenti Emmanuel Makronning taklifiga binoan 8-oktabr kuni rasmiy tashrif bilan ushbu mamlakatga joʻnab ketdi.
Fransiya – yuksak darajada rivojlangan, sanoat ishlab chiqarishi boʻyicha jahonda yetakchi oʻrinlardan birini egallagan industrial-agrar mamlakat. Iqtisodiy salohiyati boʻyicha dunyoning eng yirik yettita davlati qatoriga kiradi. BMT Xavfsizlik Kengashining besh doimiy aʼzosidan biri, Yevropa Ittifoqi va xalqaro maydonda muhim rol oʻynaydi.
Fransiya Oʻzbekiston bilan hamkorlikdan manfaatdor. Ushbu davlat rahbari Emmanuel Makron mamlakatlarimizning oʻzaro yaqinlashishini qutlab, Oʻzbekiston Prezidenti Shavkat Mirziyoyevning Parijga rasmiy tashrifini orziqib kutayotganini taʼkidlagan edi.
Tashrif davomida davlat rahbarlari oʻrtasida muzokaralar, Fransiya parlamenti rahbariyati, yetakchi kompaniyalar va moliya institutlari vakillari bilan uchrashuvlar oʻtkazilishi rejalashtirilgan.
Ma'lumotlardan foydalanilganda
www.president.uz ga havola ko‘rsatilishi shart
© 2025 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
