05.06.2026
Ўзбекистон Республикаси Президенти Шавкат Мирзиёевнинг Россия Федерациясига амалий ташрифи якунига етди.
Давлатимиз раҳбари Санкт-Петербургдаги тадбирлар доирасида 4 июнь куни Россия Федерацияси Президенти Владимир Путин билан учрашув ўтказди.
Етакчилар Ўзбекистондаги биринчи интеграциялашган атом электр станцияси қурилишини бошлаш маросимида иштирок этдилар.
Президентимиз 29-Петербург халқаро иқтисодий форумининг тадбирларида қатнашиб, ялпи йиғилишда нутқ сўзлади.
Ташриф тадбирлари якунлангач, Президентимиз Тошкент шаҳрига жўнаб кетди. “Пулково” халқаро аэропортида олий мартабали меҳмонни Россия Федерацияси Ҳукумати Раисининг биринчи ўринбосари Денис Мантуров ва бошқа расмий шахслар кузатиб қўйди.
Маълумотлардан фойдаланилганда www.president.uz га ҳавола кўрсатилиши шарт
© 2026 Ўзбекистон Республикаси Президентининг расмий веб-сайти
Барча ҳуқуқлар ҳимояланган
Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг
