Шавкат Миромонович Мирзиёев давлат ва бошқарув органларидаги кўп йиллик самарали меҳнати, юртимиз равнақи, халқимиз фаровонлигини юксалтириш ишига улкан ҳисса қўшгани учун “Меҳнат шуҳрати” ва “Фидокорона хизматлари учун" орденлари билан тақдирланган.
«Меҳнат шуҳрати» ордени билан Ўзбекистон Республикаси фуқаролари Ўзбекистонда иқтисодиёт ва маданият юксалишига, халқ фаровонлиги ошишига, тинчлик ва барқарорлик сақланишига хизмат қиладиган улкан ишлари учун мукофотланадилар.
«Фидокорона хизматлари учун» ордени билан мамлакатнинг иқтисодий ва маданий юксалишига, мудофаа қудратини кучайтириш ва миллий хавфсизлигини таъминлашга, жамиятда тинчлик ва барқарорликни, миллатлараро ҳамжиҳатликни мустаҳкамлашга, халқ фаровонлигини оширишга катта ҳисса қўшган, ўзининг истеъдоди, билим ва тажрибасини Ватанимиз равнақига бахш этиб, фидойилик намунасини кўрсатиб келаётган фуқаролар ва ҳарбий хизматчилар мукофотланади.
Ўзбекистон Республикаси Президенти Шавкат Мирзиёев кенг кўламли сиёсий-иқтисодий ислоҳотларни амалга оширгани, минтақада яхши қўшничилик муҳитини яратиш ва ҳамкорликни ривожлантиришда етакчи бўлгани, халқлар ўртасида маданий-гуманитар алоқаларни мустаҳкамлашга катта ҳисса қўшгани учун хорижий давлатлар ҳамда халқаро ташкилотларнинг бир қатор орден ва фахрий унвонлари билан мукофотланган.
Қирғиз Республикаси Президентининг 2017 йил 22 ноябрдаги фармонига мувофиқ «Данакер» ордени билан
Қозоғистон Республикаси Президентининг 2018 йил 14 мартдаги фармонига мувофиқ «Дўстиқ» ордени билан
Шунингдек, Ўзбекистон Республикаси Президенти Шавкат Мирзиёев Нагоя университетининг Фахрий доктори унвони ва бошқа мукофотлар билан тақдирланган.
Маълумотлардан фойдаланилганда www.president.uz га ҳавола кўрсатилиши шарт
© 2025 Ўзбекистон Республикаси Президентининг расмий веб-сайти
Барча ҳуқуқлар ҳимояланган
Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг
