05.02.2025
Ўзбекистон Республикаси Президенти Шавкат Мирзиёевнинг Малайзияга расмий ташрифи доирасидаги тадбирлар якунланди.
Бугун Куала-Лумпур шаҳрида Президентимиз Бош вазир Анвар Иброҳим билан сермаҳсул музокара ўтказди.
Саммит якунида Келажак авлодлар учун стратегик шериклик йўлида икки томонлама ҳамкорликни чуқурлаштириш тўғрисида қўшма баёнот имзоланди ва ҳамкорликнинг турли соҳаларида салмоқли келишувлар тўплами қабул қилинди.
Давлатимиз раҳбари ва Малайзия Бош вазири бизнес форумида иштирок этиб, "Petronas" компанияси президенти билан учрашди.
Маданий дастур доирасида Ўзбекистон етакчиси Малайзия Ислом санъати музейига ташриф буюрди.
Тадбирлар якунлангач, Куала-Лумпур халқаро аэропортида давлатимиз раҳбарини Малайзия таълим вазири Замбри Абдулқодир ва бошқа расмий шахслар кузатиб қўйди.
Президентимиз Тошкентга жўнаб кетди.
Маълумотлардан фойдаланилганда www.president.uz га ҳавола кўрсатилиши шарт
© 2025 Ўзбекистон Республикаси Президентининг расмий веб-сайти
Барча ҳуқуқлар ҳимояланган
Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг
