05.10.2024
5 октябрь куни Ўзбекистон Республикаси Президенти Шавкат Мирзиёев Тожикистон Республикаси Президенти Эмомали Раҳмон билан телефон орқали мулоқот қилди.
Давлатимиз раҳбари Тожикистон етакчисини таваллуд куни билан самимий қутлаб, унга мустаҳкам соғлик ва янги муваффақиятлар, биродар тожик халқига фаровонлик ва равнақ тилади.
Президентлар Ўзбекистон-Тожикистон муносабатларини олий даражадаги келишувлардан келиб чиққан ҳолда ривожлантиришнинг долзарб масалаларини муҳокама қилдилар.
Товар айирбошлаш ҳажмини ошириш, саноат, энергетика, қишлоқ хўжалиги ва бошқа устувор йўналишларда кооперация лойиҳаларини илгари суриш мақсадида яқин идоралараро ҳамкорлик ва фаол алмашинувларни давом эттириш муҳимлиги таъкидланди.
Давлат раҳбарлари минтақада юзага келаётган вазият юзасидан ҳам фикр алмашдилар.
Маълумотлардан фойдаланилганда www.president.uz га ҳавола кўрсатилиши шарт
© 2025 Ўзбекистон Республикаси Президентининг расмий веб-сайти
Барча ҳуқуқлар ҳимояланган
Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг
