19.07.2024
Президент Шавкат Мирзиёев ва Президент Садир Жапаров "Хива гиламлари" комбинатида бўлди.
2020 йилда ташкил этилган мазкур корхонада йилига 4,2 миллион квадрат метр гилам ва гилам маҳсулотлари ишлаб чиқарилиб, Хитой, Россия, АҚШ, Қозоғистон ва МДҲнинг бошқа мамлакатларига экспорт қилинмоқда.
Европанинг етакчи давлатлари технологияси билан жиҳозланган замонавий комбинатда бугунги кунда 750 киши меҳнат қилмоқда.
Президентлар корхонанинг ишлаб чиқариш жараёни ва шоурумини, шунингдек, комбинат ҳудудида ташкил этилган "Made in Uzbekistan" бренди остидаги саноат маҳсулотлари кўргазмасини кўздан кечирдилар.
Тегишли вазирлик ва идораларга ўзаро тажриба алмашиш, кооперация ва савдони ривожлантириш бўйича кўрсатмалар берилди.
Маълумотлардан фойдаланилганда www.president.uz га ҳавола кўрсатилиши шарт
© 2025 Ўзбекистон Республикаси Президентининг расмий веб-сайти
Барча ҳуқуқлар ҳимояланган
Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг
