13.05.2017

Ўзбекистон Республикаси Президенти Шавкат Мирзиёев Пекин шаҳрининг Тяньаньмэнь майдонидаги Халқ қаҳрамонлари ёдгорлиги пойига гул қўйди. 

Мазкур Халқ қаҳрамонлари ёдгорлиги Хитой халқининг XIX-XX асрлардаги курашларда қурбон бўлган фарзандлари хотирасига бағишлаб бунёд этилган. Хитойликларнинг 1840-1949 йилларда рўй берган тарихий воқеалардаги курашлари оқ мармардан ишланган саккизта барельефда акс эттирилган. Ёдгорлик 1952-1958 йилларда қурилган. Унинг баландлиги 37,94 метр, майдони 3 минг квадрат метр. Монументга Мао Цзэдуннинг «Халқ қаҳрамонларига абадий шон-шарафлар бўлсин!» деган сўзлари ёзилган. 

Шавкат Мирзиёев Хитой халқ қаҳрамонлари хотирасига ҳурмат бажо келтирди.   

• 
• 
•