17.10.2026
Oʻzbekiston Respublikasi Prezidenti Shavkat Mirziyoyev 17-oktabr kuni Osiyo futbol konfederatsiyasi prezidenti Shayx Salmon bin Ibrohim Al Xalifani qabul qildi.
Mamlakatimizning mazkur nufuzli sport tashkiloti bilan samarali hamkorligini yanada rivojlantirish masalalari koʻrib chiqildi.
Shayx Salmon bin Ibrohim Al Xalifa yurtimizda havaskor va professional futbolni qoʻllab-quvvatlash, zamonaviy infratuzilma va oʻqitish bazasini barpo etish borasida amalga oshirilayotgan keng koʻlamli ishlarni yuqori baholadi.
Futbol akademiyalarini birgalikda rivojlantirish hamda “Har bir mahallada futbol maydonchasi” dasturi doirasida yoshlarni futbolga keng jalb etishga qaratilgan loyihalarni ilgari surish muhimligi taʼkidlandi.
Yirik futbol tadbirlari, jumladan, ayollar va oʻsmirlar oʻrtasidagi chempionatlarni tashkil etish va oʻtkazish, sportchilar hamda murabbiylar tarkibini tayyorlashda uslubiy yordam koʻrsatish, isteʼdodli futbolchilarni saralash kabi yoʻnalishlarda amaliy hamkorlikni kengaytirishga kelishib olindi.
Ma'lumotlardan foydalanilganda
www.president.uz ga havola ko‘rsatilishi shart
© 2026 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
