24.07.2026
Oʻzbekiston Respublikasi Prezidenti Shavkat Mirziyoyev va Rossiya Federatsiyasi Prezidenti Vladimir Putinning telefon orqali muloqoti boʻlib oʻtdi.
Suhbat avvalida Rossiya yetakchisi davlatimiz rahbarini tavallud kuni bilan dildan qutlab, unga mustahkam sogʻliq, baxt-saodat, doʻst Oʻzbekiston xalqining farovonligi yoʻlidagi faoliyatida yangi muvaffaqiyatlar tiladi.
Oliy darajada erishilgan kelishuvlarni amalga oshirish doirasida Oʻzbekiston – Rossiya har tomonlama strategik sheriklik va ittifoqchilik munosabatlarini yanada rivojlantirish hamda mustahkamlashning dolzarb masalalari muhokama qilindi.
Oʻzaro tovar ayirboshlash koʻrsatkichlarining oʻsish surʼatlarini saqlab qolish, ustuvor yoʻnalishlarda yetakchi korxona va kompaniyalarning kooperatsiya loyihalarini ilgari surish, ikki mamlakat hududlari oʻrtasidagi samarali hamkorlikni kengaytirishga alohida eʼtibor qaratildi.
Madaniy-gumanitar almashinuv faol davom etayotgani katta mamnuniyat bilan qayd etildi.
Oʻzbekiston va Rossiya yetakchilari boʻlajak ikki tomonlama tadbirlar rejasini ham koʻrib chiqdilar.
Ma'lumotlardan foydalanilganda
www.president.uz ga havola ko‘rsatilishi shart
© 2026 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
