06.02.2026
“Ayvoni Sadr” qarorgohida Oʻzbekiston Respublikasi Prezidenti Shavkat Mirziyoyevga “Nishoni Pokiston” ordenini topshirish marosimi boʻlib oʻtdi.
Prezident Asif Ali Zardoriy Pokistonning oliy mukofotini davlatimiz rahbariga tantanali ravishda topshirdi.
Ushbu nufuzli mukofot koʻp qirrali hamkorlikni kengaytirish borasidagi umumiy saʼy-harakatlarning munosib eʼtirofi hamda Oʻzbekiston xalqiga doʻstona munosabat va chuqur hurmat ifodasi ekani qayd etildi.
Oʻzbekiston – Pokiston strategik sherikligi mazmun jihatidan yangi bosqichga koʻtarilib borishiga ishonch bildirildi.
Taʼkidlash joizki, mazkur yuksak mukofot turli yillarda Buyuk Britaniya Qirolichasi Yelizaveta II, AQSh Prezidenti Richard Nikson, Janubiy Afrika Respublikasi Prezidenti Nelson Mandela, Tailand Qiroli Pxumipon Adulyadet, BAA Prezidenti Shayx Zoid bin Sulton Ol Nahayon, Xitoy Xalq Respublikasi Raisi Xu Szintao, Turkiya Prezidenti Rejep Tayyip Erdogʻan, Saudiya Arabistoni Valiahd shahzodasi Muhammad bin Salmon va boshqalarga berilgan.
Ma'lumotlardan foydalanilganda
www.president.uz ga havola ko‘rsatilishi shart
© 2026 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
