23.10.2024
Qozon shahrida o‘tayotgan BRIKS global sammiti doirasida O‘zbekiston Respublikasi Prezidenti Shavkat Mirziyoyev "Sberbank" prezidenti va boshqaruvi raisi German Grefni qabul qildi.
Uchrashuvda raqamli texnologiyalar, innovatsiyalar va ta’lim sohalarida o‘zaro manfaatli hamkorlikni rivojlantirish masalalari muhokama qilindi.
Toshkent shahrida raqamli texnologiyalar sohasida yuqori malakali mutaxassislar va muhandislar tayyorlashga ixtisoslashgan “Maktab 21” ta’lim muassasasining ikkinchi kampusi ish boshlagani alohida mamnuniyat bilan qayd etildi.
Shuningdek, bank sektori va shahar infratuzilmasini boshqarishda samarali raqamli yechimlarni joriy etish bo‘yicha muhim qo‘shma loyihalar qayd etildi.
Ma'lumotlardan foydalanilganda
www.president.uz ga havola ko‘rsatilishi shart
© 2025 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
