21.09.2021

Prezident Shavkat Mirziyoyev 21-sentabr kuni Qoraqalpog‘iston Respublikasiga keldi.

Davlatimiz rahbari dastlab Nukus shahridagi «Shorsha baba» qabristoniga borib, Musa Yerniyazov maqbarasini ziyorat qildi. 
Qur’on tilovat etildi.

Musa Yerniyazov ko‘p yillar Qoraqalpog‘iston Jo‘qorg‘i Kengesi Raisi lavozimida ishlagan. O‘zbekiston Respublikasi Oliy Majlisi Senati Raisining o‘rinbosari, O‘zbekiston Qahramoni bo‘lgan. 

Prezidentimiz ko‘rsatmasiga muvofiq, marhum xotirasiga maqbara barpo etildi. Bugun bu joy obod ziyoratgohlardan biriga aylangan.

Shundan so‘ng, davlatimiz rahbari Qoraqalpog‘istonning Bo‘zatov tumaniga yo‘l oldi.