12.03.2020

Prezident Shavkat Mirziyoyev Xiva shahridagi Ichan qal’a majmuasiga tashrif buyurib, Amir To‘ra madrasasida amalga oshirilgan restavratsiya ishlari bilan tanishdi. 

Ichan qal’ada xalqimizning noyob me’morlik an’analari, qadimiy hunarmandchiligi, san’ati va madaniyati namunalari saqlanib qolgan. Bu yerdagi 58 ta tarixiy-madaniy meros ob’ektidan 17 tasida turli muzeylar joylashgan. Qal’a YuNESKOning Jahon madaniy merosi ro‘yxatiga kiritilgan.  

Bu yerdagi tarixiy obidalarni asrab-avaylash maqsadida restavratsiya va konservatsiya ishlari olib borilmoqda. 

Amir To‘ra madrasasi qurilishi 1872-yili boshlangan. Bu yerda 54 ta hujra bo‘lib, ichki sahni koshin bilan qoplangan. Shuningdek, 2 ta gumbazli xona, qishki va yozgi masjidlar, darsxona bo‘lgan. Chor Rossiyasining Xorazmga hujumi tufayli obida peshtoqlarini pardozlash to‘xtab qolgan.   

Madrasa Ichan qal’adagi turistik ob’ektlardan biriga aylandi.  

Davlatimiz rahbari qadimiy obidalarning har bir g‘ishti tarixiy ekanini, har bir naqshida ma’no borligini ta’kidladi. Madaniy merosimizni kelajak avlodlarga yetkazish, buning uchun restavratsiya maktabini rivojlantirish zarurligini qayd etdi.

Prezident Shavkat Mirziyoyev Xiva shahridagi Ichan qal’a majmuasiga tashrif buyurib, Amir To‘ra madrasasida amalga oshirilgan restavratsiya ishlari bilan tanishdi. 

Ichan qal’ada xalqimizning noyob me’morlik an’analari, qadimiy hunarmandchiligi, san’ati va madaniyati namunalari saqlanib qolgan. Bu yerdagi 58 ta tarixiy-madaniy meros ob’ektidan 17 tasida turli muzeylar joylashgan. Qal’a YuNESKOning Jahon madaniy merosi ro‘yxatiga kiritilgan.  

Bu yerdagi tarixiy obidalarni asrab-avaylash maqsadida restavratsiya va konservatsiya ishlari olib borilmoqda. 

Amir To‘ra madrasasi qurilishi 1872 yili boshlangan. Bu yerda 54 ta hujra bo‘lib, ichki sahni koshin bilan qoplangan. Shuningdek, 2 ta gumbazli xona, qishki va yozgi masjidlar, darsxona bo‘lgan. Chor Rossiyasining Xorazmga hujumi tufayli obida peshtoqlarini pardozlash to‘xtab qolgan.   

Madrasa Ichan qal’adagi turistik ob’ektlardan biriga aylandi.  

Davlatimiz rahbari qadimiy obidalarning har bir g‘ishti tarixiy ekanini, har bir naqshida ma’no borligini ta’kidladi. Madaniy merosimizni kelajak avlodlarga yetkazish, buning uchun restavratsiya maktabini rivojlantirish zarurligini qayd etdi.