01.10.2018
Oʻzbekiston Respublikasi Prezidenti Shavkat Mirziyoyev Hindiston Respublikasi Prezidenti Ram Nath Kovindning taklifiga binoan 30-sentabr - 1 oktabr kunlari davlat tashrifi bilan ushbu mamlakatda boʻldi.
Davlatimiz rahbari Hindiston Prezidenti, Vitse-prezidenti, Bosh vaziri, tashqi ishlar vaziri bilan uchrashuvlar oʻtkazdi. Muzokaralar yakunlari boʻyicha 20 ta salmoqli hujjat imzolandi, istiqbolli yoʻnalishlar boʻyicha kelishuvlarga erishildi.
Prezidentimiz tashrif avvalida ishonch bildirganidek, oliy darajadagi samarali muzokaralar Oʻzbekiston bilan Hindiston oʻrtasidagi hamkorlikni amaliy mazmun bilan boyitib, strategik sheriklikni yangi bosqichga olib chiqdi.
Shavkat Mirziyoyev Hindistonga davlat tashrifini yakunlab, Toshkentga joʻnab ketdi.
Ma'lumotlardan foydalanilganda
www.president.uz ga havola ko‘rsatilishi shart
© 2025 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
