13.09.2018
Prezident Shavkat Mirziyoyev va Prezident Aleksandr Lukashenko Toshkent qishloq xoʻjaligi texnikasi zavodi hududida tashkil etilgan “Amkodor-Agrotexmash” qoʻshma korxonasini ochdi.
Umumiy qiymati 33 million dollar boʻlgan mazkur loyiha 2018-2021-yillarga moʻljallangan. Bugun rasman ishga tushgan birinchi bosqichda qurilish va qishloq xoʻjaligida foydalaniladigan 12 turdagi ekskavatorlar ishlab chiqariladi. Mahalliylashtirish darajasi 2019-yilda 22 foizga, 2021-yilda kamida 50 foizga yetkaziladi.
Davlatimiz rahbari mahsulot turlarini koʻpaytirish va mahalliylashtirish darajasini oshirish zarurligini taʼkidladi. Oʻzbekiston qishloq xoʻjaligi texnikalarini mintaqamizdagi mamlakatlarga yetkazib berish uchun qulayligini qayd etdi.
Shu yerda qoʻshma korxonada ishlab chiqarilgan dastlabki ekskavatorlar namoyish etildi.
Ma'lumotlardan foydalanilganda
www.president.uz ga havola ko‘rsatilishi shart
© 2025 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
