31.08.2018

Oʻzbekiston Respublikasi Prezidenti
Shavkat Mirziyoyev Janobi Oliylariga

Prezident janoblari!

Oʻz nomimdan va yurtdoshlarim nomidan Sizga va xalqingizga Oʻzbekiston Respublikasi Mustaqillik kuni bilan samimiy tabriklarimni yoʻllashga ijozat bergaysiz.

Oʻtgan ikki yilda Oʻzbekiston katta taraqqiyot yoʻlini bosib oʻtdi. Ishontirib aytamanki, Germaniya Sizning rahbarligingizda boshlangan islohotlar va modernizatsiya jarayonini, jumladan, Siz amalga oshirayotgan qoʻshni mamlakatlar bilan aloqalarni mustahkamlash boʻyicha siyosatni toʻliq qoʻllab-quvvatlaydi.

Yaqin oylarga rejalashtirilgan oliy darajadagi tashriflar turli sohalarni qamrab olgan ikki tomonlama munosabatlarimizni yanada mustahkamlash uchun yaxshi imkoniyat boʻladi.

Sizga baxt-saodat, Oʻzbekiston xalqiga esa hurriyat, xavfsizlik va farovonlik bilan yoʻgʻrilgan porloq kelajak tilayman.

 

                                                                                                     Frank-Valter Shtaynmayer,
                                                                                      Germaniya Federativ Respublikasi Prezidenti

• 
• 
•