18.08.2018
Oʻzbekiston Prezidenti Shavkat Mirziyoyev va Tojikiston Prezidenti Emomali Rahmon Mirzo Ulugʻbek muzey-majmuasini borib koʻrdi.
Ushbu majmua buyuk olim qurdirgan rasadxona yonida tashkil etilgan. 2010-yilda Oʻzbekiston Respublikasining Birinchi Prezidenti Islom Karimov tashabbusi bilan qayta qurilgan.
Muzey ikki zal va olti boʻlimdan iborat. Undan Mirzo Ulugʻbek davriga oid yuzdan ziyod ashyolar, kitoblar, qoʻlyozmalar, asl nusxadagi kvadrant asbobi oʻrin olgan. Shuningdek, maketlar, monitorlarda Mirzo Ulugʻbek haqidagi qoʻshimcha maʼlumotlar namoyish etilgan.
Emomali Rahmon rasadxonaga yuksak baho berdi. Dunyoning aksariyat oʻlkalari qoloq boʻlgan oʻrta asrlarda ajdodlarimiz yuksak ilmiy kashfiyotlar qilgani, ular hali-hamon odamlarni hayratga solishini taʼkidladi.
Ma'lumotlardan foydalanilganda
www.president.uz ga havola ko‘rsatilishi shart
© 2025 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
