13.06.2018

Muhtaram Prezident Janobi Oliylari!

Amerika xalqi nomidan Melaniya va men Sizga va O‘zbekiston xalqiga Ramazon hayiti munosabati bilan samimiy tabriklarimizni yo‘llaymiz.

Ramazon oyining yakunlanishini nishonlar ekanmiz, adolat va rahm-shafqatga asoslangan Islom dinining qo‘shnilarga yordam berish va turli e’tiqoddagi insonlar bilan rizqini baham ko‘rishdek muqaddas an’anasini yanada teran anglaymiz. Iyd al-Fitr bir-birini qo‘llab-quvvatlash va barchaning o‘z salohiyatini to‘laligicha yuzaga chiqarish imkonini beradigan jamiyat barpo etish mas’uliyatini yodga soladi. 

Amerika Qo‘shma Shtatlari ko‘plab din vakillari, shu jumladan, mamlakatimizga muhim hissa qo‘shgan va qurolli kuchlarimizda munosib xizmat qilgan amerikalik musulmonlarning ham yurtidir.

Men dunyodagi barcha musulmonlarga o‘zimning eng samimiy tabriklarimni yo‘llayman. Ushbu bayram kunlarida va kelgusi yilda ularga sihat-salomatlik va farovonlik tilayman. Ramazon hayiti muborak!

                                                                                                                                                         Hurmat bilan,       

                                                                                                                                                         Donald J.Tramp,  
                                                                                                                                                         Amerika Qo‘shma Shtatlari
                                                                                                                                                         Prezidenti 

Shuningdek, quyidagilar o‘z tabriklarini yo‘llagan:

Qozog‘iston Respublikasi Prezidenti Nursulton Nazarboyev

Turkmaniston Prezidenti Gurbanguli Berdimuhamedov

Ozarbayjon Respublikasi Prezidenti  Ilhom Aliyev

Ikki muqaddas masjid xodimi, Saudiya Arabistoni Podshohi  Salmon bin Abdulaziz Ol Saud

Saudiya Arabistoni Podshohligi valiahdi, Vazirlar Mahkamasi raisining o‘rinbosari, mudofaa vaziri Muhammad bin Salmon bin Abdulaziz Ol Saud

Iordaniya Hoshimiylar Podshohligi Podshohi Abdulla Ikkinchi ibin al-Husayn

Falastin Davlati Prezidenti, Falastin ozodlik tashkiloti Ijroiya qo‘mitasi raisi Mahmud Abbos

Islom hamkorlik tashkiloti Bosh kotibi Yusuf Al-Usaymin

Qutlovlar kelishi davom etmoqda.
 

• 
• 
•