01.06.2018
Prezident Shavkat Mirziyoyev Chilonzor tumanidagi Tirsakobod mahallasida amalga oshirilayotgan obodonlashtirish ishlari bilan tanishdi.
Bu mahallada 9 ko‘p qavatli va 864 hovli uylar joylashgan. 5 ming 200 dan ortiq aholi istiqomat qiladi.
Davlatimiz rahbarining 2017-yil 3-fevraldagi «Mahalla institutini yanada takomillashtirish chora-tadbirlari to‘g‘risida»gi farmoniga muvofiq mazkur mahallada ham katta o‘zgarishlar amalga oshirilmoqda. Yo‘llar va uy-joylar ta’mirlanib, ijtimoiy ob’ektlar barpo etilmoqda.
Shavkat Mirziyoyev mahalla hayoti bilan tanishdi, faollar bilan muloqot qildi.
Mamlakatimizning barcha shaharlarida zamonaviy mahalla markazlari bunyod etish, aholi tinchligi va farovonligini ta’minlash bo‘yicha ko‘rsatmalar berildi.
Ma'lumotlardan foydalanilganda
www.president.uz ga havola ko‘rsatilishi shart
© 2025 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
