01.05.2018
Shavkat Mirziyoyev va Rajab Tayyip Erdog‘an Buxoroga tashrifi avvalida Bahouddin Naqshband maqbarasini ziyorat qildilar. Qur’on tilovat qilindi.
O‘zbek va turk xalqlarining dini, ma’naviy qadriyatlari bir. Yurtimizda yashagan avliyo va allomalar Turkiyada ham e’zozlanadi. Buyuk ajdodimiz Bahouddin Naqshband ana shunday siymolardan biridir.
Oliy martabali mehmonga uning hayoti, islom dini rivojiga qo‘shgan ulkan hissasi, «Ko‘ngling Allohda, qo‘ling mehnatda bo‘lsin» degan g‘oyaning mazmun-mohiyati haqida so‘zlab berildi.
Mustaqillik yillarida bu maskan yurtdoshlarimiz va xorijiy sayyohlar ko‘p keladigan ziyoratgohga aylandi.
Turkiya Prezidenti O‘zbekiston buyuk allomalar yurti ekanini, xalqimiz tarixi va ma’naviyatiga hurmati balandligini ta’kidladi.
Ziyorat turkiyalik mehmonlarda katta taassurot qoldirdi.
Ma'lumotlardan foydalanilganda
www.president.uz ga havola ko‘rsatilishi shart
© 2025 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
