23.04.2018
Shavkat Mirziyoyev va Gurbanguli Berdimuhamedov Toshkentdagi Maxtumquli ko‘chasiga tashrif buyurdi.
Ma’lumki, Prezidentimiz tashabbusi bilan poytaxtimizning markaziy ko‘chalaridan biriga buyuk turkman shoirining nomi berilgan edi. Bu yerda so‘lim xiyobon barpo etilib, atrofi yanada obod qilindi. Ko‘cha boshida Maxtumquliga monument o‘rnatildi.
Davlat rahbarlari mazkur yodgorlik poyiga gullar qo‘ydi.
Shavkat Mirziyoyev monumentning mazmun-mohiyati, bu yerda amalga oshirilgan ishlar haqida so‘zlab berdi.
Yaxlit ansamblga aylangan bu maskan Gurbanguli Berdimuhamedovda katta taassurot qoldirdi. Turkman xalqi, adabiyoti va madaniyatiga ko‘rsatgan hurmati uchun davlatimiz rahbariga minnatdorlik bildirdi.
Ma'lumotlardan foydalanilganda
www.president.uz ga havola ko‘rsatilishi shart
© 2025 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
