17.03.2018
Prezident Shavkat Mirziyoyev Imom Buxoriy maqbarasini ziyorat qildi. Qur’on tilovat qilindi.
Maqbara hovlisida ushbu majmuani rekonstruksiya qilish, atrofini kengaytirish konsepsiyasi taqdimoti o‘tkazildi. Loyihaga ko‘ra, maqbara atrofidagi ulkan hududda mehmonxonalar, uy-joylar, maktab, shohbekat, savdo va xizmat ko‘rsatish shohobchalari qurish, xiyobonlar tashkil etish rejalashtirilgan.
Davlatimiz rahbari loyihani takomillashtirish, majmuadagi sharoitlarni yanada yaxshilash bo‘yicha ko‘rsatmalar berdi.
Bu yerga kelgan odam o‘ziga ma’naviyat olib ketishi kerak. Chet elliklar xalqimizning ilmiga, madaniyatiga qoyil qolishi kerak. Shuning uchun yana o‘ylanglar, qurilishni rejali, bosqichma-bosqich amalga oshiringlar, dedi Shavkat Mirziyoyev.
Ma'lumotlardan foydalanilganda
www.president.uz ga havola ko‘rsatilishi shart
© 2025 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
