O‘zbekiston Respublikasining saylangan Prezidenti 
Shavkat Mirziyoyev Janobi Oliylariga 

Siz Janobi Oliylariga O‘zbekiston Respublikasi Prezidenti etib saylanganingiz munosabati bilan samimiy tabriklarimni yo‘llashdan behad mamnunman. 

Fursatdan foydalanib, davlatlarimiz o‘rtasidagi do‘stona munosabatlardan mamnunligimizni izhor etib, mamlakatlarimiz manfaatlari yo‘lida ushbu munosabatlarni barcha sohalarda yanada rivojlantirish yo‘lida birgalikda sa’y-harakat qilishimizni ta’kidlayman. 

Siz Janobi Oliylariga sihat-salomatlik, baxt-saodat, O‘zbekiston va uning xalqiga doimiy rivoj va farovonlik tilayman. 

Janobi Oliylari, yuksak ehtiromlarimni qabul qilgaysiz. 

O‘zbekiston Respublikasining saylangan Prezidenti 
Shavkat Mirziyoyev Janobi Oliylariga 

Muhtaram Shavkat Miromonovich! 

Sizni O‘zbekiston Respublikasi Prezidenti etib saylanganingiz bilan chin qalbimdan samimiy tabriklayman. 

Ishonchim komilki, birgalikdagi sa’y-harakatlarimiz Ozarbayjon va O‘zbekiston o‘rtasida xalqlarimiz manfaati, mintaqada tinchlik, barqarorlik va xavfsizlikni ta’minlash yo‘lida strategik sheriklikni, ko‘p tomonlama va serqirra hamkorlikni yanada kengaytirish va mustahkamlashga xizmat qiladi. 

Muhtaram Shavkat Miromonovich, Sizga mustahkam sog‘lik, qardosh O‘zbekiston xalqi farovonligi yo‘lida davlat rahbari sifatidagi mas’uliyatli faoliyatingizga muvaffaqiyatlar tilayman. 

Hurmat bilan, 

O‘zbekiston Respublikasining saylangan Prezidenti 
Shavkat Mirziyoyev Janobi Oliylariga 

Muhtaram Shavkat Miromonovich! 

O‘zbekiston Respublikasi Prezidenti etib saylanganingiz bilan samimiy tabrigimni qabul qilgaysiz. 

Ukraina O‘zbekistonning jahon hamjamiyatining xalqaro huquq prinsiplari va Birlashgan Millatlar Tashkiloti Nizomiga qat’iy amal qiladigan obro‘li a’zosi sifatida bundan buyon ham izchil rivojlanishiga ishonadi. 

Birgalikdagi sa’y-harakatlarimiz bilan o‘zaro manfaatli sheriklikning eng yaxshi an’analarini mustahkamlab, xalqlarimiz manfaati yo‘lida ikki tomonlama hamkorlik imkoniyatlarini to‘liq ishga solishga umid qilaman. 

Ukraina va O‘zbekiston o‘rtasidagi an’anaviy do‘stlik munosabatlarini yanada mustahkamlash maqsadida o‘zingiz uchun qulay vaqtda Ukrainaga tashrif buyurishingizni taklif qilaman. 

Hurmatli Shavkat Miromonovich, fursatdan foydalanib, Sizga mustahkam sog‘lik, davlat rahbari sifatidagi mas’uliyatli faoliyatingizga ulkan muvaffaqiyatlar, O‘zbekiston xalqiga tinchlik, farovonlik tilayman. 

Ehtirom bilan, 

O‘zbekiston Respublikasining saylangan Prezidenti 
Shavkat Mirziyoyev Janobi Oliylariga 

Muhtaram Shavkat Miromonovich! 

Sizni Rossiya Federatsiyasi Hukumati va shaxsan o‘z nomimdan O‘zbekiston Respublikasi Prezidenti etib saylanganingiz bilan samimiy tabriklayman. 

Saylovdagi ishonchli g‘alabangiz Siz davlat institutlarini yanada mustahkamlash, izchil ijtimoiy-iqtisodiy taraqqiyot va aholi farovonligini yuksaltirish bo‘yicha ilgari surgan yo‘nalishlarga saylovchilar ishonishidan dalolat beradi. Sizning rahbarligingizda O‘zbekiston barcha sohalarda yangi muvaffaqiyatlarga erishishiga aminman. 

Siz Rossiya bilan O‘zbekistonning do‘stona va sheriklik munosabatlarini kengaytirish, savdo-iqtisodiy, ilmiy-texnik va gumanitar hamkorlikni rivojlantirishga katta hissa qo‘shganingizni alohida ta’kidlayman. O‘zaro serqirra hamkorlikni rivojlantirish maqsadida hukumatlar darajasidagi ishlarni faol davom ettirishga tayyorman. 

Muhtaram Shavkat Miromonovich, Sizga mustahkam sog‘lik, farovonlik va davlat rahbari sifatidagi g‘oyat mas’uliyatli faoliyatingizga muvaffaqiyatlar tilayman. 

Ehtirom bilan, 

Shuningdek, quyidagilar o‘z tabriklarini yo‘llagan: 

Bangladesh Xalq Respublikasi Bosh vaziri – Shayx Hasina Vazed 

MDH Ijroiya qo‘mitasi raisi – ijrochi kotibi – Sergey Lebedev 

Xalqaro valyuta jamg‘armasi ijrochi direktori – Kristin Lagard 

Jahon sayyohlik tashkiloti Bosh kotibi – Taleb Rifai 

Yevropa parlamenti vitse-prezidenti – Richard Charnetski 

Yevropa ittifoqining Markaziy Osiyo bo‘yicha maxsus vakili – Piter Burian 

Yevropa parlamenti deputati – Artis Pabriks 

Yevropa parlamenti deputati – Fulvio Martushello 

Yaponiya parlamenti Maslahatchilar palatasi deputati – Kyoko Nakayama 

Moskva va Butun Rus Patriarxi – Kirill 

AQSh va Kanada Buxoro yahudiylari kongressi prezidenti – Boris Kandov 

M.V.Lomonosov nomidagi Moskva davlat universiteti rektori, akademik – Viktor Sadovnichiy 

G.V.Plexanov nomidagi Rossiya iqtisodiyot universiteti rektori – Viktor Grishin 

Koreya Respublikasi Inha universiteti prezidenti – Chve Sun Ja 

Xitoyning “Poli Teknolojiz” kompaniyasi prezidenti – Van Lin 

Rossiyaning “Transneft” kompaniyasi vitse-prezidenti – Vladimir Rushaylo 

Qutlovlar kelishi davom etmoqda.