05.01.2018
Prezident Toshkent viloyatiga tashrifi davomida Quyichirchiq tumanidagi sobiq «Kanop» zavodi hududida bo‘ldi.
Bu yerda qishloq xo‘jaligi texnikalarining mavsumga tayyorgarligi, tumanda 2018-2019 yillarda irrigatsiya va melioratsiya tadbirlarini o‘tkazish, qishloq xo‘jaligida agrotexnik tadbirlarni samarali tashkil etish kabi loyihalar namoyish etildi. Shuningdek, paxta maydonlarini joylashtirish, qoramol boqish orqali aholini sifatli go‘sht bilan ta’minlash, yilqichilik, chorvachilik, baliqchilik, parrandachilikni yo‘lga qo‘yish, ekin maydonlari yaratish kabi ma’lumotlar o‘rin olgan.
Davlat rahbari yerdan unumli foydalanish, bir qarich yerni ham qarovsiz qoldirmaslik lozimligini ta’kidladi.
Loyihalarda kanop yetishtirish, sholini qayta ishlash, meva-sabzavotlarni saqlash, qadoqlash, Toshkent viloyatining tumanlarida paxta-to‘qimachilik klasterlarini tashkil etish kabi istiqbolli loyihalar o‘rin olgan.
Ma'lumotlardan foydalanilganda
www.president.uz ga havola ko‘rsatilishi shart
© 2025 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
