14.12.2017
Shavkat Mirziyoyev va Sooronbаy Jeenbekov «O‘zekspomarkaz»da tashkil etilgan O‘zbekistonda ishlab chiqarilayotgan sanoat mahsulotlari ko‘rgazmasi bilan tanishdilar.
Ko‘rgazmada mamlakatimiz so‘nggi yillarda iqtisodiyot sohasida erishgan yutuqlar, sanoatning turli tarmoqlarida faoliyat yuritayotgan kompaniyalar mahsulotlari, ilmiy-ishlab chiqarish markazlarining innovatsion loyiha va ishlanmalari namoyish etilmoqda.
Prezidentlar mamlakatlarimiz o‘rtasidagi o‘zaro manffatli hamkorlikni yanada rivojlantirishda bunday ko‘rgazmalar muhim ahamiyatga ega ekanini qayd etdilar.
Davlat rahbarlariga ma’lum qilinganidek, ko‘rgazma doirasida o‘tkazilgan uchrashuvlar natijasida savdo va kooperatsiya sohasida umumiy qiymati 140 million AQSh dollari atrofida bo‘lgan bitim va tijoriy shartnomalar imzolandi.
Shu bilan Qirg‘iziston Respublikasi Prezidenti Sooronbаy Jeenbekovning mamlakatimizga rasmiy tashrifi yakuniga yetdi.
Islom Karimov nomidagi “Toshkent” xalqaro aeroportida oliy martabali mehmonni O‘zbekiston Respublikasi Prezidenti Shavkat Mirziyoyev kuzatib qo‘ydi.
Ma'lumotlardan foydalanilganda
www.president.uz ga havola ko‘rsatilishi shart
© 2025 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
