06.11.2017
Bugun, 6-noyabr kuni Jizzaxda atoqli davlat va jamoat arbobi Sharof Rashidov tavalludining 100 yilligiga bag‘ishlangan tantanali tadbirlar o‘tkaziladi.
O‘zbekiston Respublikasi Prezidenti Shavkat Mirziyoyev ushbu marosimda ishtirok etish uchun Jizzax shahriga keldi.
Mamlakatimizning barcha hududlari va xorijdan tashrif buyurgan mehmonlar Jizzax temir yo‘l vokzalida tantanali kutib olindi.
Davlatimiz rahbarining joriy yil 27-martdagi «Atoqli davlat arbobi va yozuvchi Sharof Rashidov tavalludining 100 yilligini nishonlash to‘g‘risida»gi qaroriga muvofiq Jizzaxda bu voqeaga katta tayyorgarlik ko‘rilgan. Sharof Rashidov nomi bilan ataluvchi maydon va muzeyda ulkan qurilish va obodonlashtirish ishlari amalga oshirilgan. Ko‘cha va xiyobonlar bayramona bezatilgan.
Dastlab Sharof Rashidov xotirasiga ehson dasturxoni yozilib, Qur’on tilovat qilindi.
Ma'lumotlardan foydalanilganda
www.president.uz ga havola ko‘rsatilishi shart
© 2025 O‘zbekiston Respublikasi Prezidentining rasmiy veb-sayti
Barcha huquqlar himoyalangan
Diqqat! Agar siz matnda xatoliklarni aniqlasangiz, ularni belgilab, ma`muriyatni xabardor qilish uchun Ctrl+Enter tugmalarini bosing
