30.10.2026
Ўзбекистон Республикаси Президенти Шавкат Мирзиёев Анқара шаҳрига амалий ташрифини якунлаб, Тошкентга жўнаб кетди.
“Этимесгут” аэропортида давлатимиз раҳбари ва рафиқасини Туркия Республикаси савдо вазири Ўмер Болат ва бошқа расмийлар кузатиб қўйди.
Куни кеча Ўзбекистон етакчиси Туркия Республикаси Президенти Режеп Таййип Эрдоған билан учрашув ўтказди ҳамда Туркий давлатлар цивилизацияси боғининг очилиш маросимида иштирок этди.
Бугун Туркий давлатлар ташкилотининг навбатдаги саммити бўлиб ўтди. Унда Президентимиз кўп томонлама шерикликни янада кенгайтиришнинг устувор йўналишларини белгилаб берди ҳамда қатор муҳим ташаббусларни илгари сурди.
Ташриф доирасида Туркиянинг етакчи компаниялари раҳбарлари билан икки томонлама учрашувлар ҳам ўтказилди.
Маълумотлардан фойдаланилганда www.president.uz га ҳавола кўрсатилиши шарт
© 2026 Ўзбекистон Республикаси Президентининг расмий веб-сайти
Барча ҳуқуқлар ҳимояланган
Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг
