24.07.2026
Ўзбекистон Республикаси Президенти Шавкат Мирзиёев Татаристон Республикаси Раиси Рустам Минниханов билан телефон орқали мулоқот қилди.
Суҳбат аввалида Рустам Минниханов давлатимиз раҳбарини таваллуд куни муносабати билан самимий табриклаб, мустаҳкам соғлиқ, бахт-саодат ва Ўзбекистон халқи равнақи йўлидаги серқирра меҳнатида улкан муваффақиятлар тилади.
Мамлакатимиз ҳудудларининг Татаристон Республикаси билан ҳамкорлигини янада кенгайтириш масалалари кўриб чиқилди.
Товар айирбошлаш ҳажмини ошириш ҳамда устувор тармоқларда саноат кооперацияси лойиҳаларини жадаллаштириш бўйича қўшма чора-тадбирларга алоҳида эътибор қаратилди.
Маълумотлардан фойдаланилганда www.president.uz га ҳавола кўрсатилиши шарт
© 2026 Ўзбекистон Республикаси Президентининг расмий веб-сайти
Барча ҳуқуқлар ҳимояланган
Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг
