24.07.2025
24 июль куни бўлиб ўтган телефон орқали мулоқотда Россия Федерацияси Президенти Владимир Путин Ўзбекистон Республикаси Президенти Шавкат Мирзиёевни таваллуд куни билан самимий табриклаб, унга мустаҳкам соғлик, бахт-саодат ва давлат раҳбари сифатидаги фаолиятида муваффақиятлар тилади.
Олий даражадаги келишувларни амалга ошириш доирасида Ўзбекистон-Россия кенг қамровли стратегик шериклик ва иттифоқчилик муносабатларини янада ривожлантириш ва мустаҳкамлашнинг долзарб масалалари муҳокама қилинди.
Ўзаро товар айирбошлаш кўрсаткичларининг ўсиш суръатини сақлаб қолиш, етакчи корхона ва компанияларнинг саноат, энергетика, қишлоқ хўжалиги ва бошқа устувор йўналишлардаги кооперация лойиҳаларини илгари суриш, икки мамлакат ҳудудларининг самарали ҳамкорлигини кенгайтиришга алоҳида эътибор қаратилди.
Фаол маданий-гуманитар алмашинувлар давом этаётгани катта мамнуният билан қайд этилди.
Ўзбекистон ва Россия етакчилари бўлажак тадбирлар режасини ҳам кўриб чиқдилар.
Маълумотлардан фойдаланилганда www.president.uz га ҳавола кўрсатилиши шарт
© 2025 Ўзбекистон Республикаси Президентининг расмий веб-сайти
Барча ҳуқуқлар ҳимояланган
Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг
