
Бир гуруҳ фуқароларни «Жасорат» медали билан мукофотлаш тўғрисида
03.06.2025
Ўзбекистон Республикаси Президентининг ФармониЎзининг жонини хавф остига қўйиб, юксак жасорат, фидойилик, мардлик каби чинакам инсонийлик фазилатларини яққол намоён этгани, хусусан, Тошкент шаҳридан оқиб ўтувчи Бўрижар каналида содир бўлган сувга чўкиш билан боғлиқ фавқулодда ва мураккаб вазиятда тезкор амалий ёрдам кўрсатиб, вояга етмаган қизларнинг ҳаётини сақлаб қолгани, шунингдек, жамоат ишларида фаол иштирок этиб келгани учун қуйидагилар «Жасорат» медали билан мукофотлансин:
Мамасалиев Нурмуҳаммад Тохир ўғли - Тошкент шаҳридаги «Бўрижар» спорт комплекси ишчиси
Самиков Абдуманноп Абдинабиевич (марҳум) - Янгийўл туманидаги деҳқон хўжалиги бошлиғи, Тошкент вилояти
Ўзбекистон Республикаси Президенти
Ш.Мирзиёев