24.07.2024
Ўзбекистон Республикаси Президенти Шавкат Мирзиёев 24 июль куни Бирлашган Араб Амирликлари вице-президенти Шайх Мансур Ол Наҳаён билан телефон орқали мулоқот қилди.
Шайх Мансур Ол Наҳаён давлатимиз раҳбарини таваллуд куни билан самимий муборакбод этиб, мустаҳкам соғлик, бахт-саодат ва катта муваффақиятлар тилади. Шунингдек, БАА Президенти Шайх Муҳаммад Ол Наҳаённинг энг эзгу тилакларини етказди.
Устувор йўналишларда амалий ҳамкорликни янада кенгайтириш масалалари атрофлича кўриб чиқилди.
Ўзбекистон билан БАА ўртасидаги кўп қиррали муносабатлар, энг аввало, савдо-иқтисодий ва инвестициявий соҳаларда жадал ривожланиб бораётгани мамнуният билан қайд этилди.
Яқин мулоқотни давом эттириш ва бўлажак олий даражадаги учрашувларга пухта тайёргарлик кўриш муҳимлиги қайд этилди.
Маълумотлардан фойдаланилганда www.president.uz га ҳавола кўрсатилиши шарт
© 2025 Ўзбекистон Республикаси Президентининг расмий веб-сайти
Барча ҳуқуқлар ҳимояланган
Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг
