Афғонистон Президентига ҳамдардлик мактуби

23.06.2017

Афғонистон Ислом Республикаси Президенти

Муҳаммад Ашраф Ғани

Жаноби Олийларига

Муҳтарам Президент Жаноби Олийлари,

Афғонистондаги Хелманд вилоятининг Лашкаргах шаҳридаги портлаш оқибатида кўплаб инсонларнинг нобуд бўлгани ва оғир жароҳат олгани ҳақидаги хабар бизни қаттиқ қайғу солди.

Ўзбекистон ушбу қабиҳ террорчилик хуружларини кескин қоралайди ҳамда бу таҳдидга қарши халқаро миқёсда ҳамкорлик қилиш зарурлигигини яна бир бор таъкидлайди.

Ушбу мусибатли дамларда, Сиз Жаноби Олийларига ва Сиз орқали бутун афғон халқига чуқур таъзия изҳор этамиз. Қурбон бўлганларнинг оила аъзолари ва яқинларига чуқур ҳамдардлик туйғуларимизни етказиб қўйишингизни сўраймиз. Жароҳат олганларни эса тез фурсатларда соғайиб кетишини тилаймиз.

Қайғу ила,

Шавкат Мирзиёев

Ўзбекистон Республикаси Президенти

Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг

Ишлаб чиқилган:

Боғланиш