16.11.2022
Ўзбекистон Республикаси Президенти Шавкат Мирзиёев 16 ноябрь куни “Кўксарой” қароргоҳида “Calik Holding” компанияси бошқаруви раиси Ахмет Чаликни қабул қилди.
Учрашувда амалий ҳамкорликни чуқурлаштириш ва ўзаро манфаатли қўшма лойиҳаларни амалга ошириш масалалари атрофлича кўриб чиқилди.
Мамлакатимиз етакчиси Ўзбекистон ва Туркиянинг етакчи корхоналари ўртасидаги шерикликнинг бугунги даражасини мамнуният билан қайд этди ҳамда иқтисодиётнинг устувор тармоқларидаги ҳамкорликни янада кенгайтириш учун катта салоҳият борлигини таъкидлади.
“Calik Holding” раҳбари самимий қабул учун миннатдорлик изҳор этиб, компаниянинг узоқ муддатли ва кенг кўламли шериклик борасидаги интилишлари қатъий эканини билдирди.
Туркиянинг ушбу холдинги билан биргаликда соғлиқни сақлаш соҳасида, кимё ва тоғ-кон саноатида кооперация лойиҳаларини амалга ошириш истиқболлари юзасидан фикр алмашилди.
Учрашув якунида инвестициявий ҳамкорликнинг янги дастурини ишлаб чиқиш ва қабул қилишга келишиб олинди.
Маълумотлардан фойдаланилганда www.president.uz га ҳавола кўрсатилиши шарт
© 2025 Ўзбекистон Республикаси Президентининг расмий веб-сайти
Барча ҳуқуқлар ҳимояланган
Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг
