icon
Ўзбекистон Республикаси Президентининг расмий веб-сайти
  • Ўзб
  • O‘zb
  • Рус
  • Eng

Ижтимоий тармоқлардаги
расмий саҳифалар

  • social-icons Telegram
  • social-icons Facebook
  • social-icons Instagram
  • social-icons Twitter
  • social-icons Youtube
icon

Сайт бўйича қидирув

icon
image_logo
Ўзбекистон РеспубликасиПрезиденти
  • Президент
  • Воқеалар
  • Ҳужжатлар
  • Администрация
  • Медиатека
  • Боғланиш
  • O‘zb
  • Рус
  • Eng

Кўриниш

A
A
A

Шрифт ўлчами

0% га катталаштириш
Президент аҳоли турмуш шароитларини яхшилаш бўйича кўрсатмалар берди

10.05.2019

Президент Шавкат Мирзиёев Учтепа туманидаги умумтаълим мактаби ва тикувчилик цехини бориб кўрди.

Бирлик маҳалласида жойлашган 238-мактабда икки мингдан зиёд ўқувчи таълим олади. 1969 йилда қурилган бино эскирган. Мактаб сиғимига нисбатан ўқувчилар сони жуда кўплиги сабабли дарслар икки сменада йўлга қўйилган. 2018 йилги Инвестиция дастурига мувофиқ 240 ўринли янги ўқув биноси қурилган. Лекин пойтахтимизда эски, сиғими кичкина мактаблар ҳали кўп.

Шу ерда Тошкент шаҳрида янги мактаблар қуриш ва мавжудларини кенгайтиришга оид режалар муҳокама қилинди.

Президентимиз мактаблар сиғимини ошириш учун уларни тўрт қаватли қилиб қуриш, шу билан бирга бўш турган бинолардан самарали фойдаланиш зарурлигини таъкидлади. Ўқитувчиларга қўшимча шароит яратиш орқали ўқув-тарбия ишлари сифатини ошириш бўйича тавсиялар берди.

Давлатимиз раҳбари «Козимжон рейтинг сервис» корхонаси томонидан ташкил этилган тикувчилик цехида ҳам бўлди.

Ушбу лойиҳа «Кўкча текстиль» масъулияти чекланган жамияти билан ҳамкорликда амалга оширилди. Хориждан 100 та замонавий тикув машинаси ва ёрдамчи ускуналар олиб келиб ўрнатилди. Натижада йилига 500 минг дона тайёр трикотаж маҳсулотлари ишлаб чиқариш қуввати яратилди. Банд бўлмаган 200 нафар хотин-қиз қайта ўқитилиб, ишга қабул қилинди.

Президент маҳсулотлар турини кўпайтириш ва сифатига эътибор қаратиш, бозорни доимий ўрганиб, экспортини ҳам йўлга қўйиш бўйича кўрсатмалар берди. Корхона фаолиятини кенгайтириш ва ишни икки сменада ташкил этиш орқали яна кўпроқ хотин-қизларни жалб этиш, уларнинг бандлигини таъминлаш зарурлигини таъкидлади.

Шу ерда Учтепа туманида қурилаётган бошқа корхоналар ҳақида ҳам маълумот берилди.

logo-icon
Ўзбекистон РеспубликасиПрезиденти

Маълумотлардан фойдаланилганда www.president.uz га ҳавола кўрсатилиши шарт

© 2025 Ўзбекистон Республикаси Президентининг расмий веб-сайти

Барча ҳуқуқлар ҳимояланган

Президент
  • Мақом
  • Таржимаи ҳол
  • Мукофотлар
Воқеалар
  • Янгиликлар
  • Мажлислар
  • Ҳудудларга сафарлар
  • Хорижга ташрифлар
  • Хорижий делегациялар билан учрашувлар
  • Нутқлар
  • Табриклар
Ҳужжатлар
  • Фармонлар
  • Қарорлар
  • Фармойишлар
  • Тараққиёт стратегияси
  • Ташаббуслар
Администрация
  • Администрация тўғрисида
  • Раҳбарият
  • Қуйи ташкилотлар
Медиатека
  • Фотогалерея
  • Видеогалерея

Боғланиш

Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг

Ишлаб чиқилган:uzf-logo