«Olmazor city» Олмазор туманининг янги маркази бўлади

29.06.2018

Шавкат Мирзиёев Талабалар шаҳарчасидаги маданият саройида Олмазор туманини ижтимоий-иқтисодий ривожлантиришга оид лойиҳалар билан танишди.

Олмазор туманининг янги маркази - «Olmazor business city»ни барпо этиш лойиҳаси тақдимоти ўтказилди. Янги Олмазор кўчаси ва Кичик ҳалқа йўли ўртасидаги қарийб 24 гектар ҳудудда барпо этиладиган ушбу мавзеда маъмурий бинолар, кўп қаватли уйлар, замонавий бизнес марказ, меҳмонхона ва хиёбон, таълим ва тиббиёт муассасалари қуриш режалаштирилган.

Давлатимиз раҳбари лойиҳа таклифини маъқуллади.

Ёшлар билан ишлаш, саноат ва туризмни ривожлантириш бўйича кўрсатмалар берилди. Тумандаги бўш турган биноларни инвентаризациядан ўтказиш, хорижий инвестициялар ва технологиялар олиб келиш, одамларга иш ўринлари яратиш зарурлиги таъкидланди.

Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг

Ишлаб чиқилган:

Боғланиш