28.01.2018
Президентимизнинг 2017 йил 17 ноябрдаги «Ўзбек миллий мақом санъатини янада ривожлантириш чора-тадбирлари тўғрисида»ги қарори халқимиз маданиятини асраш ва ривожлантиришга муҳим замин бўлади. Қарорга мувофиқ, 2018 йилдан бошлаб Шаҳрисабз шаҳрида ҳар икки йилда бир марта Халқаро мақом санъати фестивали ўтказиш режалаштирилган.
Президентимиз Шаҳрисабз шаҳридаги Оқсарой мажмуаси олдида мазкур анжуман учун саҳна ва майдон, Мақом маркази ва музейини барпо этиш лойиҳалари билан танишди.
Шавкат Мирзиёев мақом фестивалини сайил тарзида, маданият байрами сифатида ўтказиш зарурлигини таъкидлади.
Давлатимиз раҳбари мамлакатимиз мақом санъати усталари билан учрашди. Улар билан мақом санъати истиқболлари, халқаро мақом санъати анжуманини юксак савияда ўтказиш борасида суҳбатлашди.
Маълумотлардан фойдаланилганда www.president.uz га ҳавола кўрсатилиши шарт
© 2025 Ўзбекистон Республикаси Президентининг расмий веб-сайти
Барча ҳуқуқлар ҳимояланган
Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг
