20.01.2018
Президент Шавкат Мирзиёев Термиз шаҳрида янги барпо этилган муҳташам Санъат саройи ва амфитеатрда яратилган шароитларни кўздан кечирди.
700 ўринли Санъат саройи ҳамда 3 минг ўринга мўлжалланган амфитеатрда замонавий қулайликлар яратилган. Хориждан овоз ёзиш ҳамда созлаш, ёритиш тизими ускуналари, мониторлар келтириб ўрнатилди. Хорижлик меҳмонларга тўғридан-тўғри таржима қилиб бериш учун кабиналар, санъаткор ва актёрлар хоналари махсус жиҳозлар билан таъминланди.
Ҳудуди 32,5 гектар бўлган масканнинг атрофи ободонлаштирилиб, кўкаламзорлаштирилди. Мусиқали фаввора қурилди.
Давлатимиз раҳбари бу ерда пойтахтимиз тетрлари билан ҳамкорликда маҳорат дарслари ўтказиш, спектакллар қўйиш, хусусан, давлат буюртмаси асосида Исо ат-Термизий ва Алпомиш ҳақида асарлар яратиш зарурлигини таъкидлади. Театр ижодкорлари учун кўп қаватли уй бунёд этиш бўйича топшириқлар берди.
Маълумотлардан фойдаланилганда www.president.uz га ҳавола кўрсатилиши шарт
© 2025 Ўзбекистон Республикаси Президентининг расмий веб-сайти
Барча ҳуқуқлар ҳимояланган
Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг
