Пресс-служба Президента Республики Узбекистан
15.07.2016

Oqsaroyda qabul

O‘zbekiston Respublikasi Prezidenti Islom Karimov 15-iyul kuni Oqsaroyda Xalqaro havaskor bokschilar uyushmasi (AIBA) prezidenti Ching-Kuo Vuni qabul qildi.

Ching-Kuo Vu AIBA Ijroiya qo‘mitasining Toshkentda o‘tayotgan majlisida ishtirok etish uchun mamlakatimizga tashrif buyurdi. Mazkur sport forumi Xalqaro havaskor bokschilar uyushmasi uchun Braziliyada bo‘ladigan Olimpiya o‘yinlariga tayyorgarlikning yakuniy bosqichi hisoblanadi.

Davlatimiz rahbari mehmonni samimiy qutlar ekan, AIBA va uning rahbari Ching-Kuo Vu o‘zining munosib xizmati bilan dunyoda keng tarqalgan boksni va, umuman, Olimpiya harakatini rivojlantirishga katta hissa qo‘shayotganini alohida ta’kidladi.

13.07.2016

Mustaqil taraqqiyot yo‘limizning teran tahlili
O‘zbekiston Respublikasi Prezidenti Islom Karimovning “Ozodlik havosidan to‘yib nafas olgan xalq o‘z yo‘lidan hech qachon qaytmaydi” va “Hayot sinovlarida toblangan Qashqadaryo eli har qanday yuksak marrani egallashga qodir” nomli kitoblari “O‘zbekiston” nashriyot-matbaa ijodiy uyi tomonidan nashr etildi.

Ma’lumki, davlatimiz rahbari joylarda ijtimoiy-iqtisodiy islohotlarning borishi, amalga oshirilayotgan bunyodkorlik va obodonlashtirish ishlari bilan yaqindan tanishish maqsadida shu yil 30-iyun – 1-iyul kunlari Surxondaryo va Qashqadaryo viloyatlarida bo‘lib, mazkur viloyatlarning faollari, xotin-qizlar, yoshlar va keng jamoatchilik vakillari bilan uchrashib, samimiy suhbatlashdi.
07.07.2016

06.07.2016

01.07.2016

«O‘zbekiston Mustaqilligiga 25-yil» esdalik nishonini ta’sis etish to‘g‘risida Vatanimiz istiqlolining 25-yilligini keng nishonlash munosabati bilan hamda mamlakatimiz mustaqilligini mustahkamlash, uning iqtisodiy, siyosiy, ijtimoiy, ilmiy, ma’naviy salohiyatini va mudofaa qudratini yuksaltirish, davlatimiz sarhadlarining daxlsizligini ta’minlash, demokratik islohotlarni amalga oshirish, jamiyatimizda hukm surayotgan millatlararo do‘stlik va totuvlikni, tinchlik va barqarorlikni asrash, milliy madaniyatimiz va san’atimizni rivojlantirish, sog‘lom va barkamol avlodni voyaga yetkazish, yoshlarimizni vatanparvarlik va istiqlol g‘oyalariga sadoqat ruhida tarbiyalash ishlariga munosib hissa qo‘shgan yurtdoshlarimizni taqdirlash maqsadida:

1. «O‘zbekiston mustaqilligiga 25-yil» esdalik nishoni ta’sis etilsin.
01.07.2016

Islohotlar va fidokorona mehnat samaralari

Davlatimiz rahbari Qashqadaryo viloyatiga safarining ikkinchi kuni Qarshi tumanidagi “Shukrona” fermer xo‘jaligi dalasiga tashrif buyurdi.

Qashqadaryolik dehqonlar bu yil 145 ming gektar maydonda g‘alladan mo‘l hosil yetishtirdi. Shu kunlarda o‘rim-yig‘im ishlari qizg‘in davom etmoqda. “Shukrona” fermer xo‘jaligi ham alohida faollik ko‘rsatmoqda. Mo‘ljal 20 gektar g‘allaning har gektaridan 65 sentnerdan hosil olishdir.

30.06.2016

O‘zbekiston Respublikasi Prezidenti Islom Karimov joylarda ijtimoiy-iqtisodiy islohotlarning borishi, amalga oshirilayotgan bunyodkorlik va obodonlashtirish ishlari bilan yaqindan tanishish maqsadida 30-iyun kuni Surxondaryo va Qashqadaryo viloyatlariga tashrif buyurdi

Istiqlol yillarida mamlakatimizning boshqa viloyatlarida bo‘lgani singari Surxon vohasida ham ulkan yangilanish va o‘zgarishlar ro‘y berdi. Shahar va qishloqlar qiyofasi tubdan o‘zgarib, odamlarning turmush darajasi yuksalib borayotir. Bir paytlar faqat qishloq xo‘jaligi mahsulotlari yetishtirish bilan cheklangan vohada bugun sanoatning bir necha turi izchil rivojlanayotir. Zamonaviy ilg‘or texnologiyalar bilan jihozlangan korxonalar ishga tushirilmoqda, kichik biznes va xususiy tadbirkorlik taraqqiy etmoqda.

Bunday ulkan o‘zgarish va yangilanishlarni viloyatda erishilayotgan yutuqlar misolida yaqqol ko‘rish mumkin. Joriy yilning birinchi choragida viloyatda yalpi hududiy mahsulot o‘sishi 8,4 foizni, sanoat mahsuloti ishlab chiqarish 7,6, qishloq xo‘jaligi mahsulotlari yetishtirish 7,4, qurilish-pudrat ishlari 11,5 foizni tashkil etdi. Kichik biznes va xususiy tadbirkorlikning izchil rivojlanishi natijasida viloyat yalpi hududiy mahsulotida kichik biznesning ulushi 57,4 foizga yetdi. Xususiy sektorda qulay ishbilarmonlik muhiti yaratilgani, sohaga ko‘plab imtiyoz va preferensiyalar berilayotgani kichik biznes va xususiy tadbirkorlikning izchil rivojlanishini ta’minlamoqda. Shu yilning birinchi choragida viloyatda besh yuzga yaqin kichik biznes subyekti tashkil etildi. Tijorat banklari tomonidan xususiy sektorga 180 milliard so‘mga yaqin kredit mablag‘lari ajratildi.


                o`zb   рус   eng
Bugun: 30.07.2016
Qidirish
O'zbekistonga tashriflar
14.06.2016
Xorijiy davlatlarga tashriflar
© 2008 - 2016 O`zbekiston Respublikasi Prezidentining matbuot xizmati